076垃圾口罩殼

★★★★★★★★ 注意 ★★★★★★★★
此研究唔係想達到醫療級或軍事級替代品，任何DIY口罩都有風險，有罅或任何位置漏氣，用錯濾材都有危險。
★★★★★★★★★★★★★★★★★★★

1. 膠樽之連接

試左好多唔同方法整豬咀，其實都好多容器可以做主體，大紙包盒，發泡膠碗或PP三文治盒，基本上只要能包住口鼻、容易剪裁、又能有窒息感、唔怕水都好有潛質！
由於整成個口罩殼有太多步驟，我諗我要分幾次講…今次先講點樣用膠樽整filter夾同主體連結。

首先，左上角圖入面有兩類樽，黑色同綠色呢類糖果樽係最岩用，佢本身個軟蓋連住一個環套住樽身，個軟蓋開窿就可以夾到布，而個環同樽頸條罅就可以用黎夾住口罩主體。
個中藥樽只係擰蓋，要處理更多步驟，所以我今次羅佢呢講解，識整佢自然識整其他樽。
中藥樽用鎅刀開窿，然後用園藝剪慢慢將樽頸以下部份剪走。
依係喺口罩主體搵一個平面剪出一個4.8cm直徑既圓形窿套樽口，剪既時候可以先剪到比樽口稍細既先，再一邊試套入去再修剪，套入樽口最好有繃緊感覺。
套入樽口，擰上蓋試下係咪可以夾住主體，跟住可以試下擰上未同窿既蓋，試下級氣時個口罩會唔會漏氣。
最後參考右上圖，樽蓋亦都一樣剪走中間部份至中空狀，裝上濾材測試。
如果濾材太厚可能令蓋不能擰至夾住主體，咁可以係內環加橡筋(如中下圖)。

2. 重要的配套

#橡筋固定：
主體例如好似紙包盒，就咁篤個窿穿條橡筋綁，入面要有個軟套先綁，咁個窿會襟用啲。軟套可以係泵樽既粗吸管剪出。
#包邊膠布：
主體既包邊材料用有彈性既〝肌肉貼〞(左下圖一卷既)，或有彈性既膠布。
#鼻壓條：
可以從罐頭拉蓋剪出，鐵蓋比鋁蓋更堅固但比較難剪。剪金屬片要好小心唔可以有刺，利邊亦要用砂紙或指甲銼磨滑。如果冇拉蓋，保鮮紙盒條鋸片都可以不過要搵膠紙包好先用。
鼻壓條用強力防水雙面膠貼貼在口罩上。

3. 口罩殼主體

今次示範係用1L 闊身牛奶盒，通常呢隻盒最大個面係大概係9cm x 20cm，將奶盒所有摺角反起後壓平，然後先剪走頂同底兩條粗邊，然後係奶盒背面剪開，然後參考右中圖剪到一張大概25x20cm長方形。

我用一張同等大小既白紙畫上線條黎表達個摺法：
紅色線 — 係奶盒本身有既摺痕
黃色線 — 代表要貼金屬條位置，除左鼻樑下巴位都可以加金屬條。貼好金屬條，最上同最下兩條紅色虛條向前摺蓋住金屬條。
藍色線 — 先左右對摺一下，打開，將上部同下部摺向後面。
綠色線 — 呢幾條斜線係向前摺，而佢既斜度可能根據面形需要不同，但可以先參考本圖再自己微調。
跟住將中間兩端沿紅色虛線向後反摺蓋住上下摺面。
黑色陰影 — 最後摺完後可以剪走，然後將兩端返去後面套橡筋後用膠紙痴實。

口罩主體完成後先測試下貼唔貼面，微調至貼面再開窿加上filter夾或其他週邊。

4. 最終回 — 拆殼

試左咁多diy口罩殼，缺點係暗位難消潔同內層好易濕晒。咁最後既加工就係用第3集既摺式主體打上"啪鈕"，等我可以攤開清潔，同時可以係摺位墊入一層紗布或紙巾吸濕。今集最終回送上影片一條拆解成個口罩殼。